يومِيات محمد و زينب [ قصه بحرانيه ممتعه ]

بسم الله الرحمن الرحيم


يومِيات محمد و زينب

انزين البدايه

زينب عندها 3 خوات وهي الرابعه

وعندها اخو واحد وامها وابوها ويدتها الي مغربلتنهم

انزين الأم والأبو و اليده ام الأبو

انزين اخو زينب الهو العود اسمه علي و عمره 23

تالي تجي اختها سارة عمرها 20

تالي تجي هي زينب عمرها 18

تالي تجي اختها مريم الي عمرها 12 ,,,

انزين هذي عائلة زينب

انزين عائلة محمد

هذا محمد ولد طائش

عنده خت سمها ايمان عمرها 10 سنوات

واخوه حسين 7 سنوات وإخته فاطمة 16 سنه

وهو 20 سنه

يلا نبدأ الحلقه الاولى من يوميات زينـب ومحمد : ::




في ليله من ليالي العطله الصيفيه ,, صار محمد متملل ولا عنده شغله شوفوا ويش سوى

محمد : اوووه ويش هل الملل ,, افف انعل ابوها حاله ما ليي الا اطق رقم واذا طلع رقم بنيه خير واذا ما طلع في الطقاق

وقام حضرته يطقق ارقام هرار ما سمع الا : ريال : الوووو ؟؟؟؟ من . تحجى وصمخ جلاب ياخدك

محمد : بلللل هاويش هل الحظ وقطعه

رد قعد يهر ارقام ما سمع الا صووت بنيه

زينـب : الووو من معاي

محمد : احم هني محمود ؟ (( يتعلف ))

زينـب : لا الضاهر النمره غلط خووي

محمد : اوكي مسامحه اختي

سكرو التفلون

محمد استانس قال خوشش ,, باسيف الرقم عندي



بعد جم ساعه قام حضرته كل حين يطرش ليها مسجات

قامت هي اتصلت له : الوو ,, انت ليش تطرش ليي مسجات انت من ؟

و ويش تبغي ؟

محمد :لا بس يعني حبيت اتعرف

زينـب :

انزين مر سبوع وهم على هل الحاله يعني يتصلون الي بعض ومسجات

المهم صارو فري ويا بعض عادي مو دلاعه

تتكلم وياه كأنه اخوها

عاد محمد عنده قطوة يحبها يموت عليها

اتصلت زينب الى محمد

شال التلفون : هلا , ويش تبين

زينب بصوتها العادي مو دلاعه :ويش ابا بعد ابي اتكلم وياك

محمد : روحي انا مشغول بحبيت قلبي

زينـب : اي حبيبت قلب بعد؟

محمد : هي بصراحه اني احبها اكثر منش

زينـب : صدق جليل حيه ,, وسكرت التلفون

رد اتصل شالت التلفون : وي وي ويش تبا روح الي حبيبتك

محمد : حبيبتي طلعت .. هبول تدرين منهي حبيبتي الي اتكلم عنها ؟؟

زينـب : منهي اني ؟

محمد : لا يبا انتين

زينـب : منهييييييييي

محمد : قطوه خخخخخ

زينب : ههههههههه حسبي الله على بليسك الحين هي ويش تسوي ؟؟

محمد : قلت لش طلعت ,, المهم انا الحين بروح ويا الربع

زينب : يعني الربع اغلى مني

محمد :اوهو بدينه بالمقارنه

زينـب : بي بي يت يدتي ... وسكرت التلفون

اليدة : أهو أهو اتصلي ليي بيت ابرار رفيقتش ابي اچالم أمها

زينـب : انزين اوف .. اتصلت زينب وقعدت اليده تهرهر وتبربر يمكن نص ساعه

عاد اتصل محمد وصار الخط مشغول

زينـب : بس عاد خلصتين الفوجر وتالي سكرت التلفون

رن التلفون وشالته : توها بتقول الو الا اختها مريم يايه

مريم: هذي من أبرار ؟؟

زينـب : نعم ؟ ما يخصش قومي فچي عني

مريم: لا والله ؟ ماني قايمه الا اذا عرفت

زينـب : ولاخير قومي لا تخليني اصرخ

مريم: زين زين ما اقدر على صراخش يهز البيت ,, يمه

زينـب : اي احسن

وتابعت زينب كلامها وي محمد

يوم زينـب تتكلم ويا محمد كان محمد ويا ربعه

انزين عاد ربعه مثله

الهو يقول انزين متى بتتصلين ليي

الهو يقولون له ربعه منهي هذي الي تباها تتصل لك

قال : انتون هادوي هل التفكير هذي اختي

قـالو: اي كلش اختك .... هههههههههاااااي

وتالي قال ليها باي وسكر التلفون

ومهل وايد ويا ربعه

عقب كم ساعه تمللت زينب من النت والتلفزيون

قالت اروح اتصل الى محمدوه

وتصلت له وصار ليهم نص ساعه إلا بييت (( بجيت )) اخوها

زينـب : يوووو جا اخويي

محمد : عادي قولي صديقتش

زينـب : رووووح صديقتي في هل الحزة .. ودخل اخوها ومرة وحده سكرت التلفون

اخوها علي : من الي في التلفون

زينـب : ها هادا اقصد هادي خالتي

علي : خالتي هل الحزة ويش تبا

زينـب : ها ... تقول تسأل عن امي

علي : عن امي هل الحزة

زينـب : اي اي ويش دراني بها

علي : قومي سوي ليي بيض يوعان ما تعشيت

زينـب : اوه ما أعرف

علي : ويييييش ما تعرفين وعمرش 18 امن بلوه قومي قومي

زينـب : اوه روح سو لك گباگب الي صادهم ابويي العود اليوم

علي : صدق في گباگب

زينـب : لالالا امزح وياك (( وتقول في قلبها : احسن شي بعطي الگباگب الي محمد ))هههههه

علي : مينونه بس شفيتيني عليهم

المهم قومي سوي ليي بيض

زينـب : انزين (( وتقول في قلبها : احسن من ياخد الگباگب )) خخخخخ

وقامت تسوي البيض حق اخوها علي

تالي اكلها وراح نام

ردت اتصلت الي محمد وقالت له : محمد الحق

محمد : ويش ويش صاير كفخوووش

زينـب : لالا .. عندنا گباگب ابي ايبهم لك

محمد : الحــــــــــيــــــــن

زينـب : لا هو انت صادفت

محمد : متى عيل إفادي في گباگب من زمان ما أكلت

زينـب : انزين تعرف بيت حجي علي دون صوبه خباز انت روح صوب الخباز ؟؟

محمد : اي اي اعرفه

زينـب : روح صوبه الساعه وحده الظهر

محمد : انشاء الله من عيوني ... يعني انتين بتكونين هناك ؟؟

زينـب : لييييييي چي اني بقرة اروح هناك چان تشوفني

محمد : لوي ماتبيني اشوفش لا يكون تخوفين خخخخخ

زينـب : حدك عاد ترى اني احلى مني ما تحصل

محمد : المهم لوي تبيني اروح صوب الخباز

زينـب : لان بتحصل الگباگب هناك

محمد : اهاا ,,, شكرا

زينـب بدلع صوت : عفــواً

محمد : الا منعمه صوتش

زينـب : اووه يلا ول ابي نام فيي نومه باي


نلتقي معاكم في الحلقه القادمه..


إذا عجبتكم القصة اباكملها اتمنى تكون أنها مو متكرره

واااااااااااااو قصة مررة حلوة من عضوة أحلى

ننتظر التكملة...